January 9, 2007

Mos kuom jo kristo.

Ageno ni baruani owete yudo kagidhi mbele kod luoro Nyasaye kendo ka gi rito chikene, mana kaka onyiswa e buk mar chik, kendo osir kod Solomon e buk mar.

Ngima e dala mar America dhi mbele ka ji ma ng’eny oketo pachgi kod chunjegi e moko mar pinyin. Ji matin ahinya ema paro wach Nyasaye. Adieri thothgi odich gi gige piny.

To malit ma iwuoro, nyaka jogo man e kanisa Nyasaye bende moko kuomgi timore kamano. Kane Yesu otem kod thuol ethim e yo mar chiemo mar ringruok, ne owacho niya, “dhano ok dag kod chiemo kende to mak mana gi wach maler mar Nyasaye” Mathayo 4:4. Mago weche Nyasaye owete ( Nyasaye mar adiera ma chiwo ngima ma ochwere ma nyaka chieng) Wechegi ondikie buk ma iluongo ni “Muma maler” Mani e Buk ma onego wadag kod wechene. Bende weche mag adiera ma iyalo e Bugni ema nyalo walo wa kendo pogowa gi jogo maok ong’eyo adieara. Johana 17:17.

Onyiswa kendo gi jaote Paulo e 2 Jo Thesalonika 2;15, “kuom mano owetena, chu’g motegno, rit chike ma osepuonji ka owuok e barua kata onyisi kod thok”. Jaote Paulo wacho niya,”Rit chike” to kata kamano nyaka wapenj ni to chike mage ma owacho?

Akelo wachni kawuono nikech ji mang’eny osebedo kadwaro ng’eyo ni odiochienge mage ma Nyasaye osewalo e higa ma ji onego orit sepni mage. Sepni ma Nyasaye osewalo ok owinjo wakaw mayot kata matin. Kendo adiera onego warit odiochiengego ma ok wabadhore kata matin. Koro kapok wagolo kalenda matin ma ji mathoth wuothogodo e mifuko margi, we mondo a ler weche moko motegno.

Onyisowa e 2 Timotheo 3:16 ni “Buge duto ma ondikie muma konyowa kuom: chike, ketowa e diera, nyisowa kama watime marach kendo miyowa puonj mondo wabed maler e mbele Nyasaye. Koro ka dipo ni wasebedo ka watimo maber kendo warito sewni mag Nyasaye e wan’g saa to kare koro wang’eyo mana ka nitie kama pod OK wadhie “kare’. Owete koro we wang;I ane wasebedo ka wakuano kalenda mar jo Hibrania maber ka oluwore kod muma.

Mokuongo wachak gi “chike” ka Paulo onyisowa ni “wachung’ motegno,kendo warit chike ma osepuonjowa”. Bende ne owuoyo kuom chike mag kanisa ma osebedo ka ipuonjowa kod dhano? Ngang’ Paulo ne ong’eyo gima owacho. Owete kendo rang kama ndikoni orumo godo ma Paulo wachoe niya, “Rit weche ma osepuonji” ka owuok kuom ndiko kata ka owach kod dhok” weche ma osepuonjwa owete owuok kuom Mma ka ondikgi Nyasaye to OK kuom chike mag dhano. Ka wang’iyo Greek, ndiko ma Paulo ne otiyogodo ma iluongo ni “LOGOS”. “LOGOS” ne thoth ji ong’eyo. Bende en achiel kuom nyinge mane iluongo godo Yesu kristo. Yesu iluongoni wach Nyasaye kata “Logos”. Inyalo somo buk mar Johana 1:1 ma wacho ni; “kar chakruok ne nitie ndiko mar “Logos” kendo ndiko mar “Logos” ne nitie gi Nyasaye, kendo ndiko mar “Logos” ne en Nyasaye”. Ka idhi mbele gi matindo 14 wachoni “ Ndiko mar “Logo” ne olok ringruok kendo obedo kuomwa” Koro ka Paulo nyisowa ni “wachun’g motegno kendo warit weche ma osepuonjwa” mano matiendeni onyisowa ni mondo warit chike ma osepuonjwa kod Nyasaye. Maduon’g ma nyaka wang’e ni chike ma onyiswa duto wuoyo kuom muma. Bende Paulo ne odhi mbele kawacho niya “ barua marwa”. Owete, koro gima nyaka wang’e matut ni ne owachoni nyaka wawinj barupe ma ondikie muma.

Onego wawinj mana wach Nyasaye ma ondikie mima to OK chike mag dhano. Ka diponi kalenda mar Jo Hibrania ema nyaka watigodo kawadwang’eyo sepni mag Nyasaye, to kare onego wayudgi e muma. Kendo onego wang’e ni adiera duto onego yudi e muma, ka poni en ADIERA.

Koro waduto onego wawinj maler gima ja chwechwa onyisowa kaluwore gi ndalo ma odwaro ni mondo warit sewni mage. Koro we wang’I ndiko moko e muma malero newa wachni. Ok abi dhi matut ahinya eyi baruani. Nitie nonro kata puonjruok madoun’g ma osetim kod owadwa kuom Yesu Arthur Ryan kendo waseko kete e tond mbuyi (website) marwa. Arthur odhi matut kendo onyiso buge mang’eny e muma ma Nyasaye onyiso godo ndalo ma odwaro mondo warit sewni mage. Nyasaye onyiso “saa” ma onego rit sewni mage e muma, koro kawang’iyo muma maber to ok wabi rito sewni mag Nyasaye e ndalo ma ok ni kare kaka ji mathoth osebedo kwano kalenda mar jo Hibrania ma oselos kod dhano. Nga’to nyalo fwenyo ni onge kama ondikie muma wach kalenda mar jo Hibrania, kata choro ndalo ma itimoe sewni mar Nyasaye. Bende nga’to nyalo fwenyoni odiochienge ma Nyasaye osewalo ler kendo Nyasaye owuon ema nyalo ketogi maler to ok dhano.

Barua ma kawuononi, adwaro mana nyiso buge e muma kod weche moko manyiso kaka Nyasaye nyisowa odiochienge maler. Mokuongo kik wiwa wil gi kaka Yesu ok ohero gik mange’ny mag ringruok, 2 Jo korintho11:13. Nyasaye ok ket wechene e muma mondo wang’e adiera, 2 Timotheo 2:15, Jo Thesalonika 5:21. Bende kik wiwa wil gi gima Yesu ne onyiso wuongi ka owacho nga’t mabiro nge’yo gima otimo. “Agoyoni erokamano wuonwa, Nyasach piny gi polo nikech isepando gigi ne jok mariek kod jo ng’ad bura to ifwenyone nyithindo Luka 10:21. Onyisowa e Zaburi 111:10 “Luoro Nyasaye ni e chakruok mar rieko. Jogo matimo dwaro mar Nyasaye ni giwinjo maber.

Wanyalo yudo adiera machiegni kodwa (kawa somo muma wan gi adiera) to kata kamano ka ok waluoro Nyasaye, ka ok watim dwaro mare to OK wanabed kod winjo.

Koro e buk mar chakruok 1:14, Nyasaye nyisowa ni ne ochweyo kendo omiyowa “chien’g, dwe kod sulwe” mondo onyiswa ndalo ma oyiero. E buk mar Tim Jolawi23, Nyasaye ondikonwa sepni duto mage. Nyasaye wacho e Tim Jolawi 23:2 ni magi “esepni maga”. Sawo mokuongo en Sabato mar juma ka juma. Onyisowa ni (Tim Jolawi 23:3) “onego wati kuom ndalo auchiel: to chien’g mar abirio en Sabato mar yweyo, odiochien’g ma owal, kik ng’ato ti tich moro amora: en odiochien’g mar Nyasaye.”

Koro wachni ok tek to katakamano ka nga’to dwa nge’yo chien’g Sabato to nyaka okwan ka ochako kod odiochien’g mokuongo nyaka ochop e odiochien’g mar abirio. Bende wange’yo ni ka chien’g opodho to odiochien’g orumo kendo machielo chakore.

To kakoro wadwaro ng’eyo sewni mag Nyasaye nyaka wang’e ka dwe orumo kendo machielo ochakore. Kawasenge’yo mano to koro wa kwano akwana nikech Nyasaye onyisowa dweche ma onego warit e sepni mage. To kata kamano sawo mar Pentecost to ok wanyal kwano kamano. Onyisowa mondo warit Passover tarik 14 mar dwe mokuongo kendo odiochieng’ mar dweno en sawo mar unleavened bread mar NYASAYE. Koro ja chwech wa oseko ketowa mayot kuom ng’eyo kaka dwe rumo mana kaka odiochien’g rumo. To koro maduon’g nyaka nga’to n’ge ni omiyowa dwe mondo wang’e godo dweche kendo chieng’ chieng’ wange’yo godo odiochien’g.

Nying mar dwe e dhok mar Jo Hibrania en mana dwe manyien, “CHODESH”. Koro wanyalo somo ndiko moko mana kaka Tim Jo lawi 23:24 mawachoni: “Kon jo Israel ni dwe mar abirio kata “dwe manyien” e odiochien’g mokuongo mar dweno kata “dwe manyien” bed uru kod Sabato ma iparogodo goyo oporo kendo uwale”

Koro Nyasaye OK ne ondiko weche magwenyore,ageno ni waduto wange’yo mano. Koro kawang’iyo gima yot kamano kuom Jo Hibrania kaka “dwe manyien” “chalre” kasto wang’iyo kalenda mar Jo Hibrania kendo wayudo ni e higa giluwe maber kendo ginyisowa ni sawo mar goyo oporo (feast of Trumpets) nitie e dwe manyien, kasto dwe manyien sawo mar oporo en ndalo adek BAN’G dwe manyien. Koro gimoro okbukruok godo ma onge tiende. Koro ka iwinjo gima omiyo ne chore mbele e higa ma okalo Sabato chien’g. Bende ma en tich matek a hinya kaluwore gi chike mag dhano ma giseloso. En mana ni giloko odiochien’g ma Nyasaye owalo mondo gilos gige gi.

An kod osiepna ma ja Yahudi kendo chien’g moro ne a kone wach mar chike a par mag Nyasaye. Ne obuok kasto openjo ka awacho chike 613. A paroni gi neon nono weche matut. Anyalo paro ndalo moko mane akwayo barua mawuoyo e weche mag choro sewni mag Nyasaye mbele kuom jalo moro ma otelo ne a chiel kuom chokruok mag kanisa Nyasaye. Jatelonogo bende osebedo kapuonjo wach ma nyiso ni ochuno ni nyaka ji lu kalenda ma okwan mar Jo Hibrania. Bang’e ne oorona barua ma iye otin’go pages 600 ma bende ne ochulo ng’at machielo mondo olosne. Ne atemo matek mondo awinj chike manyiso ni sewni inyalo chor, gima omiyo ichorogi kata sama onego ochorgi. Ma ondik kod dho kisungu ma odok kod (Webster). Ne arango tiend ndiko mar choro mbele kendo ne ayudo ni en choro gimoro mbele mondo otim endalo ma biro. Koro kane aneno ni en mana “choro gimoro mbele mondo oketh saa”. Owete mano wach ma ok wanyal mulo kata kod yien mabor manyalo room fut apar – e kanisaNyasaye. Bende ok wanyal ketho saa ni gima onego watim kawuono wachoro mbele nyaka kiny KA ODIOCHIEN’G MAKAWUONO POD LER.

Owete ndalo biro ma wabiro chun’g e mbele Nyasaye to kendo en ema onyisowa weche machal kama: Nga’to anga’ta ma ok oketo dende ma otegno odiochien’g mar apar edwe mar abirio eno gol kuom jo Nyasaye . Tim Jolawi 23:2729.

Nge’yo ndalo ma Nyasaye ochano ber ma okadho. Ok en gima wanyalo kawo mayot kata ka tugo. Onyiswa e Fweny 20:12 “Ne aneno jogo mane otho, matindo kendo madongo, ka ochun’g e mbele Nyasaye; kasto buge ne oyar; kendo buk machielo ne oyar, ma en buk mar ngima; kendo joma otho ne ong’adnegi bura kaluwore gi ndiko mane ni e buge kaluwore kod tichgi.”

Buge ma owach kagi owuok kuom muma. Koro kata wachung’ kanye ma waluwo kata ok waluw kalenda mar Jo Hibrania, kata kalenda moro amora onego watime kod a diera bende onego wange’ ndiko moko emuma ma siro wechewa. Nikech ka warito ndalo ma ok ni kare to wabiro bedo kod tich matek mar wachono ne waluwo dhano moro kata buge moko bende ne gi oroni moko? Watie kod gim wayie godo ni warito ndalo makare mag sepni kendo waseko kete e tond mbuyi (website) marwa. Bende ok wan kende e jo Kanisa Nyasaye marito odiochien’g to nitie moko bende. To kendo nyaka ing’eni jogo mamoko marito odiochienge mag sepni machal kodwa ne ok owuoyo kodwa, wanbende ne ok wapenjogi. Ne gimanyo muma kendo gitiyo kod ndiko mar LOGOS, (wach Nyasaye) ne onyisogi e buge maler, Muma. Geno mara kod lemba en ni uduto atimo kamano, som muma mari kendo idag kod wach ma owuok e dhoge.

Uduto kuom kristo

Bill Goff.