Sermon by Bill GoffFebruary 24, 2007Ndiko Ma Owuok Kuom Muma Ma Oloki kod King James.
Ka ndalo mar pasaka kod sawo mar makati ma ok oketie thowi chiegni chopo, ma e sa
ma onego wachak wuoye. Sewni mag chiri biro mokuongo e higani. Ban’g ndalo
machiegni wabiro golo chiemo man kod thowi e mier ma wadakie ka waikore ne sewni.
Mano en adiera nikech onyiswa mondo watim ne mano e buk mar wuok 12:19 kod wuok
13:7.
Pasaka en odiochin’g maduon’g e higa kuom ja kristo. Ma e sa ma onego wabed
machiegni kendo wanyis singo mane watimone Nyasaye kane wabedo batiso. Kane
wayudo batiso e ipi ne wasingore ni Yesu e jawarwa. Bende ne watimo singo ne Nyasaye
ni wabiro lokore kuom richo marwa machon kendo wachako wuoth manyien e pinyka, yo
ma Nyasaye dwaro, yor Nyasaye.
E higa ma okalo e sa makama, ne a wuoyo e ber mar keto pachwa makare ka waikore ne
sewni mag chiri. Kawuono bende adwa wuoyo kuom wechego. Chopo luongwaok en
gima itimo dichiel. Chopo luongwa en gima dhi nyime. Bende en gima kawo thuolo
malach mondo ibed jatich mar a diera, ng’at ma biro yudo osimbo maler ka jawarwa
Yesu kristo ma ja Nazareth oduogo.
E buk mar Mathayo onyiswa ni:
Mathayo: 25:21
Nyasache ne onyise ni, Itimo maber, jatich ma ber kendo ma ja a diera: isebedo kod yie
kuom gik moko, a biro keti jatelo kuom gik mang’eny: koro in kod mor mar Nyasaye.
Thuolo ma wan’gado mondo wabed jatich maber kendo ma ja a diera en sani, kendo
thuolo ni ema duon’g.
Wan jok mantie e kanisa Nyasaye onego wati kod mich ma osemiwa wadutokod
Jachwechwa. Ok gin gik ma inyalo kaw katugo kata iweyo ma ok oti godo.
Nitie ndiko moro maduon’g kendo maler e buk ma Mathayo ma wuoyo kuom luong
marwa. Owuoyo kuom chiemo maduon’g mar kisera ma olosnwa wan jok mantie e
kanisa Nyasaye mondo wachopie. Kata kamano kapok wasomo ndikono to we wawinj
wach machielo maduon’g.
Kanisa Nyasaye, jok ma oluongi kod Nyasaye ok oluongi e kisera kaka welo to mana
kaka jo kisera.
A diera kanisa ose luongi kaka jo kisera mar Yesu. Koro we mondo wabed kod luongni e
pachwa ka wasomo buk machielo.
Mathayo: 22:14
Ji mathith oluongi to matin ema oyir.
Koro ka ochopo sa arus nyako ma idwa kendi nyaka ikre maber.
Fweny: 19:7
Koro onego wabed kod mor maduon’g, kendo wamiye duon’g: nikech kend mar
nyarombo osekayo, kendo chiege ose ikore.
Koro Nyasachwa. Ma oseluongowa e kisera osemiyowa sewni meke mondo opuonjwa
chenro mare kendo mondo oketwa maler maonge kod richo. Nyako ma idwa kendi ikore
motegno, obedo maler kendo ruakore maler chien’g arus mare. Bende otimo gimoro a
mora mondo obed maler chien’gno.
Pasaka en odiochien’g ma wan kod thuolo mondo wabed machiegni kod Nyasaye. En
chien’g ma onego wanonre wawegi kendo wan’gi kawan e yo maber, kata ka wachomo
kama ber kendo ka wan kod medruok e gima watimo.
To kadiponi ok wan eyo maber to nyaka walok yorwa: wapar mano.
Jo Rumi: 2:11
Bende onge luoro kuom jok man kod Nyasaye. Nyaka wabed motegno owete. Thoth ji
mang’eny e kanisa Nyasaye yudo konyruok kuom chokruok kod kanisa moko. Chokruok
machalo kamano nyalo bedo mar miriambo.
Nitie miche mag chokruok mopogore opogore. Kendo thoth ka ok giduto paro ni gin e
kanisa a chiel mar Nyasaye. Moko kuomgi luongore niya “Philadelphians,” moko bende
luongore niya “Vibrant Church” kata “Living Church.” Kod moko ma odon’g to bende
magi duto gin kanisa Nyasaye a diera? Kik wuondi kod nying mamit kata wach maber.
Bedo kod chokruok mar dhano ok nyal miyo ng’ato donj e loch mar Nyasaye, kata bedo
ng’at Yesu.
Kendo kik ng’ato wuondi: kata buogi kod chikegi kod sirikandgi ma moko kuomgi oketo
mondo gimaki motegno kendo I bed e bwo jo tendgi ma giyiero giwegi.
Bende isefwenyo ni riwruok masando owete ojar kod Yesu? Yesu ne okono kanisa e
Ephesus kod Pergamos, ni ochayo chike go. Sando ji nitie e chike mag Jo Nikolao.
Fweny: 2:15
Nyasaye ochayo jok ma luwo chike mag Jo Nikolao.
Ka irango tiend wach mar Jo Nikolao to iyodo ni en teko ma jotelo mag kanisa nigodo
ma gisandogo jok ma onge telo e kaniasa. Ng’at ma chalo kamano Yesu okdwar e kanisa
mare. Loch machalo kamano kelo mana gik maricho kaka kuoth, a chaye kod ich wan’g.
loch maber ma Yesu dwaroe kanisa mare iyudo e buk mar Johana 15, en osiep kanyakla
kode, kendo en osiep ma kelo gima ber, gima waduto onego wachiew, olemo. Olemo
maber.
Johana: 15:5
An e yath, unto un bedene; Ng’at ma oriwre koda, kendo an kuome, kelo olemo
mang’eny; nikech ka aonge to onge gima onyalo timo.
Koro Nyasaye omiyowa owete; kod jo nabi; kod jo puonj; kod jo yalo to ok mondo
osandwa, kendo mondo kik donj e dierwa kod Ja chwech marwa, to mondo oriwwa
kendo oketwa maber.
Ja tich maber mar Nyasaye onego on’gi chunywa; kendo biro bedo kodi kaka owadgi. Ja
tich maber mar Nyasaye otelne kod teko mar Nyasaye. Onge gimoro a mora mar Yesu
ma dhano nyalo ng’ade bura kata yiero. Kata mana joote ne ok oyienegi mondo gi yier
kama gitiye.
Nyasaye keto jok mantie e kanisa mare “kaka en ema odwaro” 1 Jo Korintho: 12:18.
Mano oting’o ji duto. Kendo Paulo ne olero tiend jotich maler:
Jo Effesso 4:12
Kuom keto jo kristo maler, kod jotich mar migawo, kod keto ringer kristo maler: 13
Nyaka wabed kod riwruok kuom yie, kod rieko mar wuod Nyasaye, kendo wabed maler
mondo opimwa kod kristo.14 Mondo koro kik wabed kaka nyithindo ma itero koni gi koni
kendo ma italo kod yamo kuom chik moro a mora kendo Iwuondo kod dhano ka gilin’g
kendo girito mondo owuondgi.
En thuolo marwa mondo wang’e jo Nyasaye mar a diera, kendo mondo wang’eni ma
wantiere godo ok golwa e yor Nyasaye.
1 Johana: 4:1
Joherana kik iyie kod teko moro a mora, to temgi ka bende gin mag Nyasaye: Nikech
jopuonj mang’eny mag miriambo ose pong’o piny.
2 Jo Korintho: 11:13
To aluor ni dipo ka jachien owuondi kaka ne owuondo Eve, kendo ogolo pachi kuom
Yesu. 2 Jo Korintho: 11:4: Ng’at mabiro kapuonjo wach Yesu machielo, ma waonge
godo, kata obiro ndiko machielo ma opogore, to nyaka watan’g kode.
Ka wadhi nyime e ndiko matindo 13: Nikech mago gin joote mag miriambo,jotich mag
miriambo, ka gilokore ni gin e joote mag Yesu. 14: Bende kik ibuogi; nikech jachien
olokore kende owuon kaka malaika mar ler.15: Koro bende ok en gima lich ka jotichne
bende olokore ni gin jotich maler; kendo rumo margi biro bedo kaka gitiyo.
Owete kane jopuonjre odhi ir Yesu ka en kende ka gipenje weche mag ndalo giko, kendo
gik ma biro nyiso duogo mare, Yesu ne okonogi niya:
Mathayo: 24:4
Bed motegno mondo kik dhano wuondi.
Koro ang’o ma omiyo owacho gigi duto sani to onego bedni a wuoyo mana kuom ikruok
ne pasaka?
Gigi a wacho nikech wadakie sa ma Yesu chiegni tieko gero kanisa mare.
Bende wang’eyo mano owete? Ok wadakie ndalo ma Yesu ne ochako gero kanisa mare:
mano ne en higni 2,000 ma osekadho. Wadakie ndalo ma ochiegni tieke.
En ndalo ma onego wabedie a chiel kod Nyasachwa kendo kod jok ma wangodo e kanisa,
ringer mar Yesu. To bende nitie mana kanisa a chiel, Nyasaye a chiel kodroho a chiel.
To winj wachni, gima duon’g ma onego watim en bedo kod Nyasachwa e a chiel.
Koro ng’at man kode e a chiel nitiere a chiel kod owadgi.
Onego wabed kod a diera ni wantiere e kanisa a chiel mar a diera, kod teko mare, nikech
ndalo mar kanisa chiegni rumo kendo ban’g ndalo machuok ok obi bedo.
Wadak e ndalo ma Yesu ok bi tieko gero kanisa mare kende to obiro kawe bende. To
diponi ok ing’eyo to koro ng’e ni Nyasachwa en ng’at ma timo gige maber. Ok obi kaw
jok maricho; chokruoge mag dhano ma opogore opogore ma wuondruok ni gintie e
kanisa mare. Obiro kawo kanisa ma olocho, maonge kod chilo kata matin, bende maonge
kod jony. Kama joge wuothe moriere to ok ti mana tich wuoyo kende.
Jo Effesso: 5:27
Nikech obiro kawo kanisa ma olocho, maonge kod chilo kata matin, kata jony, kata
gimoro a mora march; to nyaka obed maler kendo maonge richo.
Koro winj wach moro ma duon’g.
Ok wanabedie kanisa mare ma olocho ma obiro kawo, ka waluwo ban’g dhano moro a
mora kata obed ng’a? ka waluwo kendo waket yie marwa kuom dhano to wabiro mana
yudo kum.
Jeremiah: 17:5
NYASAYE wacho kama; Ng’at ma oketo yie mare kuom dhano kendo ogolo chunye
kuom NYASAYE eno yud kum.
Ndiko ma wayudo kuom Jeremiah 17:5 ler. Kendo nitie mang’eny ma ondikie muma ma
wuoyo kuom luwo ban’g dhano. Mana kaka Zaburi 146. bende uparo ndiko no owete?
Wasebedo ka wawere e juma ka juma Kik waket Yie Marwa Kuom Gik Matho nikech
mano ok nyal konyowa.
Bende wawinjo gima omiyo Nyasaye nyisowa ni kik waket yie marwa kuom dhano?
Dhano moro a mora! Nikech dhano yorene richo. Dhano nyalo lal e sa a saya. Kadipo ni
iluwo ban’g dhano to ikri nikech ban’g ndalo matin ibiro lwar e bugo.
Owete ok oluongwa mondo walwar e bugo. Oluongwa mondo wabed ruodhi kod jopuonj
e loch mar Nyasaye mabiro.
Wan olemo ma okuongo. Olemo ma okuongo opogore gi moko. Gin ipidhogi mokuongo,
gi dongo piyo, kendo iponogi mokuongo. Gin ngano; motegno mochiek kendo ma sagi
oseromo mondo opon.
Mano e kaka waduto onego wachal saniu owete, wabed motegno, mochiek kendo marito
mondo opon.
Koro sani nitie jotelo mang’eny mag kanisni mag Nyasaye ma opogore opogore. To nitie
mana jatelo a chiel kende ma nyalo ketowa joma beyo. En mana Jatelo A chiel manyalo
ketowa mondo wabed jok ma otegno, mochiek kendo ma ose ikore mondo opon.
YESU KRISTO mano ema omiyo En Jatelo mar Ringruok.
Mano ema omiyo ber mondo wabed kode kanyakla, warange kendo waluw ban’ge.
Ng’at a chiel ma onego waluw ban’ge en manaYesu. Dhano onego wakop mana timbene
to bende mana ka timbene chal kod Nyasaye.
Muma ma oloki kod King James otiyo kod ndiko mar “luwo” marach ma ji mang’eny
ohero somo kendo ka ginyiso ji mondo oluw ban’ggi.
Kaka kama ne Paulo owacho niya;
1 Jo Korintho: 14:16
Koro a hombi mondo ubed jo lup na.
Kod
1 Jo Korintho 11:1
Bed uru jo lup maga mana kaka an bende a luwo Yesu.
Muma ma olok kod King James ok otiyo kod ndiko mar luwo maber.
Jo moko o hero loso e ndikogo ka ginyisowa ni mondo waluw ban’ggi.
Owete, onge gima bor kod a diera.
Ndiko mar Jo Greek ma otigodo en “mimetes” matiende ni “kopo” to ok “luwo”
Nitiere pogruok maduon’g e kind “kopo” kod “luwo” ka warango buk maduon’g ma
irangoe weche matiendgi tek kod dho kisungu to wayudo ni kopo gimoro en rango kendo
timo gimoro machalo kod ng’at machielo, kata timo gima chalre. Wachni bende ne inyalo
ti godo kuom Paulo nikech ne kite odwa chalo kod mar Yesu koro mondo jok mane
oneno timbene opuonjre kod ranyisi mare. Bende iseneno ka nyathi matin kopo gima
ng’at maduon’g timo? Mano nyalo konyi mondo ine kaka kopo gimoro opogore kod
luwo gimoro kata luwo ng’ato.
Buk bar Webster ma irange weche matiendgi tek kod dho kisungu nyisowa tiend luwo ni
en yie mondo otelni, tiyo kod dwaro mar ng’ato ma iluwo ban’ge. Koro mano nyisowa ni
Paulo ne onego kop timbene. Paulo ne en ranyisi mondo ji one kendo opuonjre godo. To
ok luwo ban’ge manyalo miyo pachwa wuog kuom Yesu to obedo kuom Paulo (kata
dhano) kendo mano nyalo miyo owuondwa mayot ka giloko kendo pod gibiro dhi nyime
ka gilokogi. Gimoro a chiel ma Nyasaye dwaro mondo dhano obed kaparo, kendo en e
gima wasebedo ka wiwa wil godo en ni NYASAYE DUON’G! Nyasaye ok nyal weyo
chikene kata bedo kod joge makare, to ok onyal bedo kod dhano ma dwaro ni mondo
otim gige owuon!
Onge kama ondikie muma ni waluw ban’g dhano, to mana ni wa kop dhano, TO MAK
MANA KA DHANO NO KOPO NYASAYE.
Kamoro a mora e muma nitie ndiko mar luwo to (kama ondikie luwo) onyiswa ni mondo
waluw Yesu.
Mathayo: 16:24
Kendo Yesu ne okono jopuonjre mage niya, ka ng’ato dwaro luwo ban’ga, to nyaka owe
gimoro a mora, kendo okaw musalaba mare kaeto oluw bang’a.
Mathayo: 1921
Yesu ne okone niya; ka idwaro mondo ibed ng’at makare, dhi mondo ilok muanduni pesa
keato imi jok ma odhier, kaeto ibiro bedo kod muandu e polo: kendo ibi mondo iluw
bang’a.
Johana: 10:27
Rombena winjo duonda, kendo ang’eyo gi, kendo gi luwa.
Nitie kuonde mang’eny ma onyiswa mondo waluw ban’g Yesu, to onge kama onyiswamondo walue dhano.
Gima omiyo kanisa opogore en nikech ji mang’eny ng’iyo kendo luwo dhano. Dhano
mantie kod paro, puonj kod dwaro ma opogore opogore. Mago gik ma opogore kod wach
mar Nyasaye.
Olemo mar luwo ban’g dhano osemiyo ji mang’eny olal, kendo osekelo gwenyruok
kod pogruok e kanisa mar Nyasaye.
Jachien ema osekelo gigi, kendo oseweyo owete ka osiko kod manyo kama kare.
Jik ma ok biro keto geno margi kuom dhano, to mana kuom Nyasaye, osebedo ka dongo
kuom yie kod rieko.
To gima lit ni jok ma osebedo ka oketo geno margi kuom dhano, kendo osebedo ka luwo
dhano to othirno kendo ok ging’eyo a diera kod wach Nyasaye.
Bed ka ing’eyo ni; onge dhano ma nyalo terowa e a diera duto. Mano ok en tich dhano.
Dhano ong’eyo mana lalo jowadgi.
Otieno mane Yesu osandore ka pok ogure, ne ok owacho ni dhano moro biro biro kod a
diera duto. Koso ne owacho?
Johana: 16:13
Ka Roho mar a diera obiro, obiro nyisou yor a diera duto: Nikech ok obi wacho wachne
owuon, kendo ng’at mane winje ema eno owuo godo, kendo en onyisu gik ma biro.
Yesu ne ok owacho ni dhano moro biro biro kod a diera, Yesu ne owacho ni johocho,
roho mar a diera eno bikendo nosiemnwa a diera duto.
Koro ja hochoni, kata roho mar a diera wuok kuom Nyasaye Wuoro owuon.
Johana: 15:26
Ka ja hocho obiro, ma a biro oronu ka owuok kuom Wuora kata Roho mar a diera ma
wuok kuom Wuora eno los kuoma:
Koro gima duon’g en ni waluor wuonwa mondo obed kuomwa. Bende nyaka waluor
Nyasaye mondo odag kuomwa.
Wanyalo somo ndiko mang’eny ka to we mondo ati kod a chiel ma a siro godo wachni.
1 Johana: 3:24
Ng’at ma orito chikene odak kuome, kendo en bende en kuome. Koro wang’eyo ni obet
kuomwa kod Roho maler ma osemiyowa.
Nyasaye en japuonj marwa mar a diera owete. En kende ema onyalo miyowa a diera kod
teko mare mar Roho maler. Ka wayie ne kata ka wakwaye. To maduon’g kawaluore,
kendo ka warito chike mage, wechene, dwaro mare, ka wawuotho e yo ma owuothe.
Moriere. Mano e dwaro marwa waduto, mondo wachal kode.
A diera nitie ji ma ose oro mondo okonywa. To kata kamano kik iyie kod ng’ato nikech
en kod nying maber kata wach mamit.
Onego wang’e jotichne mar a diera kendo jo lupne.
Jo kanisa ma ondikie muma manyien ne osiem mang’eny kuom jo puonj mag miriambo
ma donjo ei rombe. Ne gichako donjo e kanisnigo e ndalo go. Bende ne wasesomo e buk
mar 2 Jo Korintho11 kuom jok mane Paulo temo nyisoji.
To Jaote Petro? Petro ne owacho nang’o kuom jopuonj mag miriambo?
2 Petro 2:1
To nenitie jonabi mag mirambo eyi ji, mana kaka biro bedo jopuonj mag miriambo
kuomu, mabiro kelo weche maricho, kendo ka gi kwedo Nyasaye mane okelogi, kendo
mano enomi tiekgi piyo piyo.
Kendo kik wiwa wil kod gik ma Ja ote Paulo ne onyiso Gayo. Bende ng’e ni Johana ne
en Ja ote mar hera kendo ne en machiegni kod Nyasaye. To kane Gayo odonjo ne
otamore winjo wach Paulo mane Ja ote.
3 Johana: 1:9
Andikon, in kanisa: to in Gayo, osiepna ma a hero kod hera mar a diera to ok iyie koda.
10 Omiyo ka a biro to ana el gik ma otimo e lela, kaka ohangowa gi weche maricho: To
ewi mago duto, otamore rwako owete, bende ok mano kende, to bende otamo joma dwaro
rwakogi ni kik rwakgi, kendo oriembo jok madwaro timo kamano e kanisa.
Awuoyo kuom wachni ka wachiegni timo sawo mar pasaka mondo warangre maber
kendo kik wabed ka waparoni kanisa mar Nyasaye to en mane. Kata kaka wanyalo bedoe
kanisa.
Nyaka wang’e ni kanisa mane Jawarwa ochako gero e higa mar 2,000 pok olokore.
Dhano mang’eny dwaro ni mondo wapar ni chokruok margi e kanisa Nyasaye. Kendo
thoth chokruogego oseko mana kelo pogruok. Bende osekelo thagruok e kanisa
Nyasaye, puonj ma ok a diera ma thoth ji oseko dhi godo nyime nikech ok ging’eyo
puonj mar a diera.
1 Jo Thesalonika 5:21
Tem gik moko duto, to mar a diera to imak motegno.
Kod
2 Timotheo 2:15
Tem matek mondo inyis ni in ng’at ma Nyasaye oyie godo, kendo wapuonjo wach mar a
diera e yo makare, kaka jatichne ok kuod wiye.
Nitie mana kanisa a chiel mar Nyasaye, to OK en chokruok mar ringruok, en mar chuny.
Bedo e kanisa inyiso kod timbewa; kod kitwa. To ok kama wabetie chien’g Sabato.
A diera en gima ber mondo ibed kod kama ileme kod owete ma ilemo godo. Nikech
chuma piago mana chuma wadgi.
Ngeche 27:17
Chuma piago mana chuma: mano bende e kaka dhano piago obuongo nyawadgi.
To kadipo ni in e chokruok ma ichike wuodhi kaluwore kod gima idwaro wacho kata
puonjori kod owete mamoko, kata ok dwar ni mondo ipar kendi to ng’eni intie e
chokruok mar “Gayo.” To kamano timore to nyaka koro ichiew kendo iringi sani mapod
intie kod thuolo.
Owete wachopo e ndalo mar giko kanisa. A diera ndalo mar kanisa chiegni rumo.
Bende ifwenyo wachni?
Kik ipar ni od Nyasaye mane Yesu ochako gero e higa mar 2,000 ma osekadho ok bi
rumo, nikech ochiegni rumo.
E sa ma a wuoyoni gedo chiegni rumo. Nitie ndiko mang’eny ma wuoyo kuom wechego
kendo a biro ndikogi ndalo sawo mar makati ma ok oketie thowi kod kwano sawo mar
pentecosti.
Bende ng’eni Nyasaye ok tim gimoro ka pok ofwenyonwa gima a dwaro timo:
Amos 3:7
A diera NYASAYE onge gima otimo ka ok onyiso jotichne ma Jo nabi.
Koro gima onego wang’I ka wachamo sawo mar pasaka en manaikruok.
Onego wabed kod a diera ni wang’iyo Nyasaye. En ema onego wachal kode. En e ranyisi
marwa ma onego wakopi kendo waluw bang’e.
En e kidi ma ochung’ motegno ma onego wachal godo. Ok dhano kata chokruok
mar dhano.
Kanitie gima wang’iyo mar ringruok to onego walokre kendo waket pachwa e gig chuny.
Nyasaye dwaro ni mondo walame En owuon. Kendo e yo machal kama;
Johana 4:23
To sa osechopo, kendo en sani, ma jo lemo mar a diera biro lamo Nyasaye kod teko kod
a diera: Nikech wuonwa dwaro jok machal kamano mondo olame.
A diera en gima duon’g owete, nikech nitie gik mange’ny maricho maluorore e kanisa
Nyasaye. Nitie gwenyruok mange’ny. Wadwaro a dira owete. A diera ema biro pogowa
kod gig pinyin. To a diera wanyalo mana yudo ka owuok kuom Nyasaye.
Johana 17:17
Walgi gichiwreni kuom a diera.
Koro chokruok moro a mora biro tiyo kod ndikono mondo omi ipar ni gipuonjo a diera,
to ma e kama teko mar Roho maler donjoe. Ma e kama ng’ato ka ng’ato onego osom
muma mare mondo oyud Roho mar Nyasaye, kod roho mar a diera mondo otelne. Mano
kaka ne okonwa kod Armstrong. A biro nyisou gima ne owacho.
“KIK IYIE KUOMA, TO YIE MANA KUOM MUMA MARI.”
Kik wiwa wil kod gima muma wacho kuom kanisa kendo kaka ne owacho kod Jaote
Paulo e barua mane ondikone Timotheo.
1 Timotheo 3:15
To ka a dudho, to nyaka ung’e kaka ubedoe od Nyasaye, mabende en kanisa marNyasaye ma ngima, siro kod a diera motegno.
Kanisa en “od Nyasaye” en e “siro kendo kama a diera ochun’gie.”
Kendo onge dhano ma ochung’ ne odno; Yesu ema otelo kendo en kende. Kendo owete,
Yesu ngima kendo nitie maber. Onego waluwe to ok dhano moro a mora.
Onge dhano manyalo telonwa e a diera. Dhano pok omi duon’gno to bende ok bi miye.
Bende ing’eyo ni ng’iyo ng’ato ka gima en e jatend kanisa chalo kod lame.
Kakoro wachopoe pasaka mabironi, onego warangre wawegi ka watimo gimoro a mora
ma ber.
Jawarwa odich kod wuodhwa. Odich kod yo ma waluwo. Nitie mana yore a riyo ma
inyalo luw, to a chiel ema tero ji e ngima. Kendo Jachwechwa onyisowa mondo waluw
yorno.
Rapar Mar Chik 30:19
Koro a luongo polo kod piny mondo obed joneno magu, ni a seketo gik moko a riyo e
nyimu mondo uyier, gin ngima kod gweth: koro yier ngima mondo mondo kothu odagi:
Onego wawe ng’iyo ni wantie e chokruok mane.
Kanitie ng’ato ma biro e dhodi kendo temo mondo ibedie chokruok margi, bed motan’g,
tem tekogi kendo ing’e ka gin jo Nyasaye. To ka ok gin to nyisgi mondo gidhi maber.
Nyisgi mondo gichiew kendo giwe tugo kod wach kanisa.
Kagin joNyasaye to gibiro bedo kod hera mar Nyasaye. En gima yot fwenyo e yo ma
okwe.
Onego wabed e kanisa mar a diera, kendo jatende ok wuoth ka manyo ji mondo obed
kode e chokruok mare. Kendo jok ma ohero nyisoji migawo ma gin tiere godo kaka
jodolo kod jodong kanisa onego ong’e ni mago ok migawo mar jok ma tugo to mana mag
jok ma tiyo tich Nyasaye kod a diera.
Owete koro onego wan’gi yore magwa kendo walokre kuom gik ma wasetimo ma
opogore kod gima Nyasaye dwaro. Kendo koro onego walem ni Ja hochwa, Roho mar A
diera biro telonwa waduto ka waikore ne sawo mar Pasaka.