SERMON MA ONDIK KOD
Bill Goff
Ndiko ma wuok kuom muma ma oloki kod King James.
Owete koro wasechopo e sewni mag chiri mar higa 2007.
Ma en higa ma opogore kod higni mamoko ne jok mantie e kanisa Nyasaye. Koro
Nyasaye chako sewni mage higani kod Sabato ma oluwore oluwore, ka kawuono e
odiochien’g mar pasaka, tarik 14 mar dwe mokuongo eno bed odiochien’g ma ogik e
juma (Sabato) kendo kinyne odiochien’g ma okuongo e juma, eno bedi odiochien’g ma
okuongo mar sawo mar makati ma ok oketie thowi, kendo odiochien’g mar 15 miyowa
Sabato ma oluwore.
Koro gima nyisowa ni higani opogore nitie gik moko ariyo ma madongo mantiere
chien’g ngeso kod juma pil ma Nyasaye nyisowa.
Mokuongo en ni kiny en ranyisi mar ‘chiwo mar keyo’ odiochien’g ma japuonj mar wach
Nyasaye ne ochiki mondo ji ogol chiw kuom cham mane gikuongo kayo.
Kendo kiny en odiochien’g ma Nyasaye konowa mondo wachak kwano. Adiera, bende
ing’eyo mano? Kiny en odiochien’g mokuongo mar sawo Makati ma Onge Thowi,
chakruok mar sewni chiri higani bende nitie odiochien’g ma ochikwa kod Nyasaye
mondo wachak kwano maka giko mar sewni mag chiri Pentecost.
Donge ma en gima lwuoro owete? E higa ma wachakoni Nyasaye oketowa ka wang’iyo
GIKO kendo ka wang’eyo ndalo chakruok.
Sewni mag chiri e higa ka higa chakore kod pasaka kasto odiochien’g mokuongo mar
sawo mar makati ma ok oketie thowi. Koro ndalono wakaw ndalo abirio ka ok wacham
chiemo moro amora ma oketie thowi, to katakamano nyaka wacham makati ma ok oketie
thowi pile ka pile. Ban’g mano juma rumo kod Sawo Machielo Ma Duon’g, odiochien’g
mogik mar sawo mar makati ma ok ketie thowi.
To katakamano Odiochien’g Ma Ogik Mar Makati ma Ok Ketie Thowi ok en giko mar
sewni mag chiri. Bende wang’eyo mano owete? Odiochien’g ma ogik e sewni mag chiri
en sawo mar Pentecost, mano en sawo ma nyaka wakwan.
Koro higa ka higa wachako kwano ndalo ka wadwaro ng’eyo odiochien’g mar Pentecost.
Wachako kwano odiochien’g ma okuongo ban’g Sabato, kaluwore kod odiochien’g mar
mich kaka okonwa e buk mar Tim Jo Lawi 23:15.
E higani opogore matin, nikech higani Sabato mar juma ka juma enobed chien’g
chakruok mar sawo mar chiri; en sawo mar pasaka, ka ichako kwan odiochien’g ma
okuongo mar makati ma onge thowi.
Kawuono wachokore ka wachako rito Sewni Mag Chiri, ka wan Kod Pasaka kawuono
kendo odiochien’g mokuongo mar Makati Ma Ok Oketie Thowi kiny, kendo wachako
kwano kendo wan’giyo sawo ma ogik mar chiri, ma en Pentecost.
Koro gigi duto ne ok otimore apoya nono Nyasaye ne nitie kod chenroni kod gima
omiyo.
Ma en sa maduon’g e kanisa Nyasaye. Nitie puonj maduon’g ka maNyasachwa dwaro
mondo wapuonjre. Bende nitie gima duon’g kama Nyasachwa dwaro mondo wapuonjre.Koro nitie ji mathoth e kanisa Nyasaye ma ok bi yudo puonjni, mabende Nyasayeoseloso ne joge higani kadipo ni gin kod kalenda machielo ma opogore kod marNyasaye.
Kadipo ni girito sewni gi e ndalo ma opogore kod ma Nyasaye owacho, kata kadipo ni
gin kod kalenda machielo ma opogore kod mar Nyasaye, ma Oketo maler e wechene, to
kare ok gi bedo kod Sabato ma oluwore chien’g Sabato kod juma pil. Kendo ok gibi
chako kwano Pentecost e sa ma owinjore.
Ma ok eno mi giwe gima Nyasaye temo nyisowa mondo wakwan odiochien’g mar piero
abich (50) piyo e higani, to obiro miyo girit odiochien’g moro nono ma opogore kod
Pentecost.
Ji mang’eny mantie e kanisa Nyasaye ose yie mondo ji owuondgi, kendo olal gi kod
weche ma nono, to Yesu ne osiemo jolupne mondo otan’g kod dhano.
Gima Yesu ne okono jo lup Mage mondo owinji nenore ni ji pok okawo matek, ma en
nikech ji mathoth pok ong’eyo tiend sewni mare.
Koro we mondo wan’gi wachni kapok wachako puonj ma kawuono owete, ma en nikech
wantie e ndalo giko mar pinyin. Wadakie ndalo mane jo puonjre mage ne penje e ndalo
mane en kodgi, wan bende wapenje, kendo wadakie ndalo mane jo lupne ne dwaro
ng’eyo.
Koro onego wapar gima Yesu ne okono jo puonjre mage mokuongo kane gi dhi ire ka en
kar kende, kando kagi penje ndalo giko mar piny marachni (Ndalo ma sani wadakie) kod
ranyisi mar duogo mare.Mathayo: 24:4: Yesu ne oduokogi kendo okno gi niya, bed motan’g mondo kik dhanowuondi. Nikech ji man’geny eno bi kod nyinga ka giwacho ni, an kristo, kendo giniwound ji mathoth.
Owete wadakie piny ma opon’g kod miriambo. Wadakie piny ma Jachien, wuon
miriambo omako ji matek. (Fweny: 12:9)
Piny marach mar satan kendo ma jachien e nyasache chiegni rumo.
Kendo ma opon’g kod timbe maricho ni ok eno tony ma ok oyudo kum. Kik ng’ato
wuondi owete, nitie yamo marach mabiro owete, yamo ma osebdo ka ikore kuom ndalo
man’geny. Onego wawinj siem ma Nyasachwa miyowa. Onego wabed kod adiera ni ok
wuondwa kod dhano moro amora, mondo wakal yamo marach ma ochomo wa.
Ma oriwo nyaka an owete, gima awacho kawuono onego onyam mokuongo kapok
omuony.
Gima awacho kawuono onego ochun’g kendo owal kod muma mondo ong’e ka en wach
mar Nyasaye, kata ka diponi an achiel kuom jonabi mag miriambo.
Bende par ni ban’g wuondo piny mangima, Jachien nitie kod joge mang’eny e kanisa mar
Nyasaye. Koro onge kik waweye mondo owuondwa. Onego waluw chik ma Jachwechwa
osemiyowa waduto mondo okonywa geng’o miriambo moro amora.
Jo Thesalonika: 5:21: Tem gik moko duto to imak motegno ma en adiera.
2 Timotheo: 2:15: Puonri ma otegno mondo ing’e dwaro mar Nyasaye, jatich ma wiye okkuodi kendo pogo wach mar adiera.
Koro onego wapar jo Berea kendo kaka ne oyie kodgi kaka jok ma kare, nikech negisomo
muma mondo gin’gi kaka gik ma Paulo kod Silas ne puonjogi gin wach Nyasaye.
Tich Jo Ote 17:11,Magi ne gin jok maber ma oloyo jo Thesalonika nikech ne giruako wach maber kodobuongogi, kendo bende ne gisomo muma pile mondo ging’e ka gigo gin adiera.
Ma e gima akwayi mondo itim kod puonj ma kawuono owete, ruak kod paroni mariduto, kasto isom muma mondo in’gi ka bende gin adiera.
Koro ka asewacho mago duto, to we mondo wachak puonj ma kawuono.
Koro onego wawinj gima wanyalo puonjore kuom Sabato maluwore ma Nyasaye
osemiyowa e higani.
Kendo onego wane gima onego wapuonjre kaka osechikowa e higani. Ka “wang’iyo
nyime” kendo “wakwano” giko mar sewni mag chiri ka ochakore e tiende.
Mokuongo adwaro mondo wang’e tiend sawo mar pasaka kod makati ma ok oketie
thowi, kapok wapuonjore weche manyien, kata mondo wabed kod ng’eyo gima Yesu
timo kod kanisa mare.
Pasaka kod sawo mar makati ma ok oketie thowi ochomore kod sawo mar Pentecost.
Kik ipar ni ka kiny wachako kwano mondo wachop e odiochien’g mar Pentecost to koro
ok wakaw sawo mar makati ma onge thowi maduon’g. gima wadhi neon ka en mana ni
ka wachako kwano Pentecost to ok wiwa owil kod juma mar sawo mar makati ma ok
oketie thowi, gima otimo en mana ni omiyo wawinjo maler sawo mar Makat Ma Ok
Ketie Thowi kendo kaka ochamore kod Pentecost.
Adwaro chako kod buk mar Tim Jo Lawi. Onego wabed kod winjo maler kod chik ma
Nyasaye omiyowa e bugno kendo kaka onyiso kanisa mar Nyasaye kawuo no.
Tim Jo Lawi: 23:4: Magi gin sewni mag NYASAYE, ndalo ma owal, ma nyakawarit ndaloduto.5: odiochien’g mar 14 mar dwe ma okuongo en sawo mar Nyasaye mar pasaka.
Wang’eyo ni dhano ne oyiero mondo KIK oluor Nyasaye ka ochakore e puodho mar
Eden. Kendo wang’eyoni kum mar richo en tho, ma wan duto onego wayud, nikech
waduto wasetimo richo kendo wajaro chike Nyasaye.
To Nyasaye nenitie kod chenro. Nyasachwa kod Jawarwa ne obiro e pinyin e kido mar
dhano, ne odak maonge richo, ne ogure e siro, kendo ne otho nikech wan. Ne ogolo kum
marwa mar tho nikech richo, mawasetimo.
Wang’eyo ni richo en weyo chik 1 Johana: 3:4. Kendo ji duto osetimo richo, kendo nitie
kod rem e loch Nyasaye. Jo Rumi: 3:23.
Yesu ne en Nyarombo mar Nyasaye, ma golo richo duto mantie e piny. Johana: 1:29.
Koro en sa ma onego walokre kuom wuodhewa machon kendo wawe timo richo. Mano e
gima sawo mar makati ma ok oketie Thowi puonjo. Keto richo oko mar ngimawa.
Wanyalo ng’iyo chien kaka ne ogolo joge e piny mar Misri, mondo wawinj gima otimo
kodwa kawuono, kendo gima odwaro mondo watim kawuono.
Koro Nyasaye ne ogolo joge Misri kod tekone, kendo kod lwedo mabor. Bende kod
ranyisi. Adiera kod gik malich miwuoro (Rapar Mar Chik: 26:8). Gimane odwaro mondo
gitim en mana ni mondo gi luw chikene kendo gi luore.
Mano bende e kaka odwaro mondo watim kawuono. Gima Nyasaye dwaro kuomwa en
mana ni mondo waluore.
Koro wang’eyo gima duon’g mane omiyo jo Israel machon ne okawo remo mar
Nyarombo mane otimo godo misango kendo giwiro e dhoudi mekgi. Kade ok gitimo
mano to gin bende de otiekgi. (Wuok 12:7,13).
Wang’eyo ni mano en adiera kuom jo Nyasaye kawuono, obatiswa kasto warit pasaka
kaka rapar higa ka higa nyaka chien’g oduogi.
Kawuono warit pasaka kod ranyisi manyien mar makati kod kon’go, mana kaka Yesu ne
okonowa. (Luka: 22:17,20).
Paulo nyisowa ni 1 Jo Korintho: 11:23-26) “Nikech ayudo kuom Nyasaye gik ma an
bende anyisou ni Yesu bende otieno mane odhoge ne ochamo makati.24: Kendo kane osegoyo erokamano, ne oyieche, kasto owacho ni, kaw ma, chame, ma enringer mara ma oyiechni, koro tim ma ka upara godo.25: Kamano bende e kaka ne okawo okombe kasto owacho ni, okombeni en ranyisi marremba, bed uru ka utimo ma ka upara godo.26: Ka ubedo ka uchamo makati ni kendo umadho gima nitie e okombeni, ubiro paro thomara nyaka chien’g adwuogi.
Kanisa Nyasaye osebedo ka rito pasaka nyaka chakre. Warito pasakahiga ka higa ka
waparo, kendo nitie gik mang’eny ma onego wapar kaluwore kod gima Jawarwa ne okale
nikech wan kod dhano duto, ma nyalo konyowa mondo wadagi.
Pasaka en okan’g ma okuongo e chenro mar Nyasaye. En gima duon’g kuomwa mondo
warit pasaka mana kaka ne en gima duon’g kuom jo Israel e ndalo mane gin Misri.
Koro wadhi nyime kod Tim Jo Lawi 23 mondo wayud chik machielo ma omiwa kuom
sawo mar makati ma ok ketie thowi.Tim Jo Lawi: 23:6: Kendo odiochien’g mar apar ga bich en sawo mar Makati ma okketie Thowi mar NYASAYE. Ndalo abirio nyaka ucham makati ma ok oketie thowi.
Koro nyaka wawinj ni kuom juma achiel, ndalo abirio, ochikwa mondo wacha m makati
ma ok oketie thowi.
Chamo makati ma ok oketie thowi nyiso ni waketo kristo e ngima marwa. Ok wanyal
golo richo ma ok waketo gima chielo kare. Onego waket kristo kare. Wabiro wuoyo
mang’eny kuom mano bang’e.Koro wasom Tim Jo Lawi 23:10. Wuo kod nyithi jo Israel, kendo kongi niya, ka uchopo epuodho ma asingonu, kendo ukayo cham to nyaka uchiw mich.11: Kendoobiro chiwo mich mar NYASAYE, mondo oyie kodu. Odiochien’g maluwoSabato jatich Nyasaye biro ting’e malo.
Kade ibed kanyo ma ineno ka jayalo ne ting’o osimbo mar cham go malo, to de ipuonjori
gima duon’g. Kane ja yalo ting’o osimbo mar cham ma okuongo malo, ne oting’o gimalo ma okalo wiye.
Ting’o malo nyiso ni en gima biro timore e polo to ok e pinyka. Ma en gima duon’g ma
onego wang’e kendo wabiro neon mano bang’e.
Koro wang’eyo ni ranyisi mar ting’o kothe ma oyud mokuongo nyiso kristo. Kendo ne
osechopo e higa mar 2,000 ma osekalo, kane Yesu ochier kuom joma otho kendo oidho
malo e polo e loch mar Wuongi kendo ne omake chien’g juma pil gokinyi. Mano bende e
odiochien’g mane Yesu odhi ir Mary Magdalene, kane onyise ni mondo kik omule.Johana: 20:17:Yesu ne onyise ni kik imula, nikech pok adhi malo ir Wuora; to dhi kuom owete mokokendo nyisgi niya, adhi ir Wuora malo, kendo Wuonu in bende, Nyasacha kendoNyasachi.
Koro nge’ni ban’g ka Yesu ne ochier, ne odhi malo e polo, ekome mar Wuoro, mondo
oyie kode kendo omiye duon’g. Mano ema omiyo Ja yalo ne ting’o kothe ma oka
mokuongo malo e wiye, nikech ne onyiso dhi malo mar kristo e polo kendo ka oyie kode
kod Wuongi, kendo bende imiye duon’g, ne ok bi miye duon’g e pinyka.
Koro we mondo wadhi nyime.
Nitie gimachielo ma omiyo kiny, juma pil en gima duon’g e kanisa Nyasaye. Nikech kiny
en odiochien’g mokuongo mar sawo mar makati ma ok ketie thowi, bende en odiochien’g
mar chiwo mar kothe, kendo bende en odiochien’g ma wachako kwano odiochien’g mar
Pentecost.
Koro kweno ni ema riwo sawo mar makati ma ok oketie thowi kod Pentecost. Kendo
kwenoni nitie kod gima duon’g e kanisa Nyasaye.
Koro Yesu, ma en wich mar ringruok, e olemo ma okuongo. En ema ne okuong ogolo
kuom joma otho, bang’e to ne odhi e polo kendo ne omiye duon’g “odiochien’g ma
okuongo” ka wakwano.
Koro chien’g Pentecost (odiochin’g ma ogik ka wakwano) ja yalo ne oting’o chiwo
machielo malo ma okalo wiye, ne gin makati ariyo.
Tim Jo Lawi: 23:15
Kendo uchak kwano odiochien’g mokuongo ma luwo Sabato, chakre odiochien’g mane
okel mich mar cham; Sabato abirio biro rumo;
16: Kasto odiochien’g maluwo Sabato mar abirio ema enobed odiochien’g mar piero
abich.
Koro ka wasomo matindo 20 to wayudo gima japuonj ne onego otim odiochien’g mar
piero abich.20: Kendo japuonj biro ting’o gi malo kod makati mar olemo ma okuongo kaka chiwo neNyasaye.
Koro ranyisi mar ting’o makati malo chien’g ma ogik ka wakwano to pok ochopi.To katakamano odiochien’g ma ibiro chope chiegni chopo, kendo odiochiengno maogik nitie gima nyiso e kanisa Nyasaye.
Nitie gima duon’g ma wan duto wan jo kanisa Nyasaye onego wang’e kaluwore kod
odiochien’g ma ogik no.
Chopo ranyisi mar ‘Ting’o makati malo’ mar chiwo ok bi timore e pinyka.
Mana kaka chopo “chiwo mar kothe” ne ochopo e polo odiochien’g mokuongo ma
ikwano, bende e kaka “chiwo mar kothe” bende obiro chopi e polo odiochien’g ma ogik
ka ikwano.
Chiwo mar kothe ne en kristo (olemo ma okuongo mar olembe). Makati mag chiwo en
kanisa, (olembe mamoko).
Mano e gima ranyisi mar makati nyiso, “olemo ma okuongo” kendo ne otin’g gi malo e
wi japuonj mana kaka “kothe bende ne otin’g malo” to odiochien’g mar 50, odiochien’g
ma ogik, en Pentecost.
Sewni gi gin gik madongo ahinya e kanisa Nyasaye owete, gin tie kod gima miyo waloko
ringer ma wangodo ma tho kasto wabedo kod ma ok tho, nikech jok mantie e kanisa gin
olemo ma okuongo.
Sewni mag chiri nyaka warit e kanisa Nyasaye jok ma Nyasaye luongo sani kendo tiyo
godo sani; Olemo ma okuongo.
Olemo ma okuongo biro ma okuongo- mokungo mana kaka ndiko no wacho. Ipidhogi
mokuongo, gi dongo piyo, gi chiek piyo, kendo ikayogi piyo.
Ka wang’iyo tiend ndiko mar “olemo mokuongo” kod dho jo Greek e buk mar Strong
Concordance owacho niya;
“Chakruok misango, olemo ma okuongo chiek, ma wuoyo kuom kristo mane okuongo
chier kod jok ma oyie mamoko mabiro luwe” (Ban’g ndalo piero abich) kendo ma oriwo
jo dolo machon.
Olemo ma okuongo oting’o jok ma Nyasaye tiyo godo sani. Onyisowa ni kristo en e
olemo ma okuongo kuom olembe duto bende okonwa ni nitie olembe moko mokuongo
ma biro luwo bang’e.1 JoKorintho 15: 20: “Koro donge kristo osechier kuom joma otho, kendo obedo olemoma okuongo mar jok mapod nindo.Jo Rumi 8:23; to ok gin kende to wan bende, wan kod teko ma wanyalo bedo godo olemoma okuongo, kendo warito mondo dendwa oloki.
Kanisa oluongi ni “olemo ma okuongo” kuonde mang’eny.
1 Jo Korintho 16: 15 “Ahombou owete (ung’eyo od Stephano ma en olemo mokuongo
ma gisebedo ka gitiye matek mondo gibed jok ma owal).”
Adiera jok mantie e kanisa Nyasaye iluongo ni olemo ma okuongo kendo nitie ndiko
mang’eny masiro mano.
Bende onego wadhi mana e Fweny 14 mondo wane wachni. Ndiko mantie e buk mar
Fweny wuoyo kuom ndalo ma olembe mokuongo mag Nyasaye biro bedo gi ringer ma
omi teko (mano ka oselokwa) kendo wachun’g e aora mar kiyo mantie e polo ka wawero
wer manyien.Fweny 14:3: Kendo negi wer kagimane en wer manyien e nyim osimbo mar duon’g,kendo e nyim ondiegi ang’wen, kendo e nyim jo dongo: Kendo onge dhano mane nyalopuonjore wendno to mak mana ji aluf miachiel kod ang’wen mane owal e piny.
Fweny 14:4: “Magi gin jok mane ok omien kod chilo mar mon; nikech ne ok giriwore
kodgi. Magi gin jok maluwo Nyarombo kamoro amora ma odhiye. Bende ne gin jokma
owal kuom dhano, ka gibedo olemo ma okuongo mar Nyasaye kod Nyarombo.
Adiera, olemo mokuongo oting’o jo kanisa manyien mantie chuo kod mon ma oyie kuom
Nyasaye kod jo adiera mamoko ma wabiro somo bang’e.
Kane japuonj oting’o malo kothe mane oka, (olemo mokuongo mar olembe) mane nyiso
ni mano en gima biro timore e polo. Mano osechopi owete. Odiochien’g ma okuongo mar
kweno, odiochien’g ma Yesu (olemo ma okuongo nyak kuom olembe) ne odhi e polo
kendo ne omi duon’g kod Wuongi.
Koro kane japuonj oting’o makati malo (olemo ma okuongo) “odiochien’g ma ogik” ne
ofwaye malo nikech ne onyiso gima chielo ma biro timore e polo.
Odiochiengno POK ochopi owete, to wachiegni chopo e odiochien’g ma ogik.”Koro onego wang’e gimoro ma wuoyo kuom makati ma “ifwayo malo.”
En mana gima olos godo makati ma ifwayo malo go ema riwo pasaka kod rito sawo mar
makati ma ok oketie thowi kendo ma chomogi kod odiochien’g ma ogik mar Pentecost.
Ma biro bedo maler ka wang’iyo gik ma olos godo makati ma iting’o malo.
Koro we wan’gi gik mane olos godo makati mane iting’o malo. Nikech ka wang’iyo gik
ma olosgi godo to kod kaka ne olosgi, to wabiro winjo gima Jachwechwa temo puonjowa
kod Sabato maluwore gi kendo gima omiyo odwaroni mondo warit GIKO mar sewni mag
chiri, “odiochien’g ma ogik” odiochien’g mar Pentecost ka wachako kwano gi
CHAKRUOK mar sewni mag chiri.Tim Jo Lawi: 23:17: Nyaka uchiw makati eriyo mar achiel kuom apar: Nyaka gibed kodmogo maber, nyaka chamgi kod thowi, gin olemo mokuongo mar NYASAYE.Makati ariyogi nyaka ne bed kod “mogo maler”
Koro “mogo maler” wuok kuom ngano, kendo ochakore kod ngano.
Bende ochakore ka en ngano motegno, bang’e olokore mogo maber, mano en tich matek.
Okawo thuolo malach mar rego kod chungo ngano motegno mondo olokre mogo maber;
en kod tich matek.
Kane arango tiend “mogo maber” e buk mar muma ma bende irange tiend weche matek
to ondik ni;Mogo maber iyudo eyi koth ngano man iye, en kanyo ema mogo maber wuokie, toiswage ma obed maber maonge kata gima rach ma odon’gie.
Mogo maler owete ok bed kod kite kata chilo moro amora.
Ere kaka watimo owete? Ere kaka wagolo chilo man kuomwa?
Bende igloo chilo kuomwa?
Bende wakawo thuolo marwa ka wasomo muma ka wapuonjore wach Nyasaye kaka
odwaro ni mondo wadag pile ka pile?
Bende wakawo thuolo moromo ka walemo?
Bende wakawo thuolo ka wagoyo chongwa piny ka wawuoyo kode?
Koso jachien oseketowa ka wamoko e gig pinyin?
Pinyin, higani chiegni rumo. Gimoro amora ma ineno e piny chiegni rumo.
Ok wanabed e pinyruoth mar Nyasaye ka waketo pachwa kuom gig ringruok. Onego
wan’gi gig chuny.Jo Rumi: 8:6: Ka iparo richo to tho e giko; to ka in kod paro mar Nyasaye to ibedo kodngima kod kwe.
Nyaka wang’e ni Nyasaye miyowa gig ringruok mondo wapar mag chuny.
“Mogo maber” ne otigodo mondo olos makati ma “iting’o malo.”Mogo maber ma onge gimarach eiye.
Koro “mogo maberni” nyiso ang’o?
En ang’o ma onego wapuonjre kuom gik ma ilosogodo makati?
Onego wang’e ma nikech in kod an wabed kod gik ma iloso godo makati no.
Ka ok wan kod gik ma iloso godo to kare ok wan achiel kuom “makati” to ka wachiwo to
enomiye duon’g odiochien’g mogik.
Koro gima wachno puonjowa en ni mondo “warang chunywa kendo wabed mamuol enyim Nyasaye.”
Bedo mamuol nyiso ni ose swagwa matindo tindo. Onyiso ni watindo e nyim Nyasaye.
Bedo matin e nyim Nyasaye ma nyiso ni nyaka walokre kendo wayie kode, kod gima
onyisowa.
Wang’eyo waduto kaka Nyasaye obedo kod jok mamuol e nyime. Bende muma opon’g
kod ndiko manyiso kaka Nyasaye mor kod jok machalo kamano.
Koro we mondo wasom ndiko moko mondo wang’e tiend “mogo maber” ma otigodo
kuom makati ma iting’o malo.Zaburi: 34:18: NYASAYE ni kod jok ma chunygi ni kod lit. Kendo okonyogi ka omiyogiteko.Isaya: 57:15: Kuom mano jok ma muol ma dakie ngima ma nyaka chien’g, ma nyingeler; odak malo kendo kama ler, kuome bende nitie jok mamuol kendo ma ohere, mondowabed kod teko mar horuok, kendo walos chuny jok ma yom yom.Isaya: 66:1:NYASAYE wacho ni polo e kome, kendo pinyka ema oyienge tiende; ere otma isegerone? Bende ere kama iketona mondo aywe? 2: Nikech gigo duto aseloso,NYASAYE wacho: to ng’at ma abiro ng’iyo en ng’at ma odhier kendo nitie kod yom yom,ka odwaro wachna.
Ma e kaka onego wachal owete, onego wabed ma obolore e nyim Nyasaye. Magi e gik
ma itiyogodo mondo olos makati ma iting’o malo.
Ma e gima duon’g ne Jachwechwa, ng’eni ngano en mare, to ngano dongo ka wuok e
kothe.
Tem ma wayudo kod chandruok tiende ni e kaka iloko kodhi matek ma bed “mogo
maber.”
Mano ema omiyo onyiswa ni mondo wakaw kaka mor maduon’g ka wayudo tem, mana
kaka James nyisowa e buk mar James 1:2.
Wan ngano mag Nyasaye; ilokowa e gimoro maber ne en owuon.
Mogo maber ne en gima ber bedo godo mana kaka makati inyalo losi ne wendo ma
odhial.
Abraham ne onyiso Sara mondo oti kod “mogo maber” mondo olos makati ariyo, mondo
oik ne wendo maduon’g ma biro lomogi kama gidakie. Wendo ma oluor ma Abraham ne
osebedo ka rito e dhoot kama ne gidakie. Wendono ne en Yesu. Inyalo somo mano e
Chakruok 18. mano gima ne otimore ka dala mar Solomon ne pok okethi.
Koro wadhi nyime kod gik ma iloso godo makati mane iting’o malo e ranyisi.
Tim Jo Lawi 23:17, Makati mane itimogo ranyisi “enolos kod thowi.”
Ji mathoth e kanisa Nyasaye ok ong’eyo gima omiyo thowi nitie ka. Ji mathoth paro ni
thowi nyiso “richo.” Dhano mang’eny puonjo ni thowi no nyiso richo, kendo ni makati
go ibiro loso kod richo.Owete, ONGE GIMA DI BED MA BOR KOD ADIERA.
Thowi mane olos godo “makati mane iting’o malo” ne nyiso Roho Maler mar Nyasaye.
Teko Nyasaye ema nitie kod teko ma nyalo loko kitwa. Bende en teko mar Nyasaye ema
nyalo loko chunywa. Teko mar Nyasaye owete ema onego waruaki.
Teko mar Roho maler wuok kuom Nyasaye kendo omiwa godo kaka mich nono. KAWADWARE, KA WARUAKE, KA WAKWAYO MONDO WABED KODE.
Yesu nyisowa ni Wuoro oyie miyowa Teko Mar Roho maler ka wakwaye.Luka: 11:13: ka ing’eyo ni in ng’at ma rach to nyaka ing’e kaka imiyo nyithindi mich:Koro Nyasaye to nyalo miyo jok ma okwaye Teko mar Roho maler machalo nade?
Nyaka wakwa michno owete, nyaka wadware.
Ngero mantie e Mathayo 133:33 wacho ni mon (kanisa) ne okawo thowi. Ndiko mar
“kawo” nyisi ni “yudo.” En ndiko mabende otigodo e Tich Jo Ote 23:38 mane Nyasaye
okuongo ochiwo Teko mar Roho maler chien’g Pentecost kane wach ochuoyo chunygi
kendo gi penjo Peter gima onego gitim. Peter ne okono gi ni;
Tich Jo Ote: 2:38: Kasto Peter ne okonogi ni lokre uru mondo obatisu e nying Yesu kristo
mondo ugol richo kasto ubiro yudo teko maler. (Wechego chalre owete).
Loch mantie e polo chal kod “thowi” (Teko mar Nyasaye mane kanisa oyudo) kendo
“opande” (matiende ni oriwe kata obedo achiel kode) nyaka “mamoko mane odon’g
bende oketie thowi duto” (nyaka kanisa duto, Ringre mar kristo ne opon’g kod teko
Nyasaye).
Owete Teko mar Roho maler en mich manono ma wuok kuom Nyasaye, to ng’ato nyaka
dwar tekono, en gima nyaka watine. Kane oluongwa mokuongo kod Nyasaye to nyaka ne
wawinje; ne waduoko luongno kod lokruok kasto obatiswa.
Ban’g batiso Nyasaye ne omiyowa mich mar Teko Mar Roho Maler, to ne pok wabedo
kod lokruok e chunywa kata wuodhewa. En gima nyaka kaw thuolo, kendo nyaka watine.
Okawo thuolo machal kod juma mar sawo mar makati ma ok oketie thowi nyiso. Ngima
marwa mar ringruok koro wagolo richo to waketo kristo. Waloko wuodhwa machon
mar richo kasto wawuotho e yor Nyasaye.
Ma e gima kwano Pentecost nyisowa. Wachako kweno e odiochien’g mokuongo.
Odiochien’g ma okuongo ema wachako wuok e richo. En e odiochien’g ma Yesu ne
oketonwa mayot, en odiochien’g mane oyie kode nikech wan. Tim Jo Lawi: 23:11.
Koro we mondo wafweny gima chielo. Jok mantie e ringer kristo iluongo ni jok ma
“Ler.” To ng’ato ok bed ma “ler” chien’g ma oyudo batiso. Ng’ato ok bed maler nyaka
owe timo richo.
Tiend ndiko mar bedo “maler” kod dho jo Greek en; bedo maonge richo kata matin, bedo
ma owal, pogruok kod richo.
Kane wayudo Teko mar Roho maler, kane wabedo batiso to ne wayudo ja “kony” teko
mar loyo richo. To katakamano okawo thuolo mondo ng’ato obed maler maonge richo
kata matin. Okawo thuolo malach mondo wawe timo richo kendo wabed maler.
Koro wan’gi gima ja ote Paulo nyisowa kuom jo kanisa Nyasaye ma bedo “maler.”
Wabiro neon ka ni ng’ato nyaka “puodhi” eka obed maler. Nyaka ng’ato ti matek, nyaka
olok wuodhene, kendo nyaka olok kite mondo obed maler.Jo Effesso: 5:1: Koro luw uru ban’g Nyasaye kaka nyithinde ma ohero;2: Kendo uwuothi e hera mana kaka kristo bende oherowa, kendo ne ochiwore nemisango mar Nyasaye mondo owarwa.3: To chode, kod gik moko duto ma ok ler, kata gombo, kik chak luong kuomu, ka ubedojok maler;
“Ka ubedo maler”
Ndiko mar “ka ubedo maler” nyiso ni “tich matek.”
Ok wan jok maler e sa ma wabedo batiso nyaka walok wuodhewa ma okuongo, nyaka
walok kitwa.
Koro wasom ndiko moko ma wuok e Jo Effesso nikech ji mang’eny, kata ministers mag
kanisa Nyasaye ok sir wechegi ni onego walore e chunywa, kod timbewa mondo
wadonjie loch mar Nyasaye.4: Ok kata lil, kata wuoyo ma ofuwo, kata timo gik ma okni kare: to mana chiwo kamano.5: Nikech ma ung’eyo ni fwuon’go wach, kata ng’at ma ok ler, kata ng’at man kod
gombo, ma ja chode ok eno donji e loch mar kristo kod Nyasaye.6: Kik iyie ng’ato wuondi kod weche maonge tiendgi: nikech magi biro kelo kum marNyasaye ni jok ma ochayo wachne. (kum mar Nyasaye no ema chiegni chopo).7: Koro kik iriwri kodgi.28: Nitie ndalo mane nitie mudho, to sani nitie ler kuom Nyasaye: wuoth uru ka nyithindler.
Ng’ato nyalo dwaro mondo olok wuodhene machon to ma en gima nyaka kaw thuolo. Ok
wanyal lokore e sa ma wabedo batiso kendo wayudo Teko mar Roho maler.
To bedo maler kendo maonge richo e gima onyisowa mondo watim e Mathayo: 5:48 kod
1 Petro 1:1:16. Nyasaye ok nyal nyisowa mondo watim gimoro ma ok nyalre to bende en
gima ne osetim kod owadwa maduon’g.
Owete wan bende wanyalo chalo yudo teko machal kod mane Yesu nitiere godo. Teko
mar Roho maler mar Nyasaye.
Teko mar Roho maler e “ja hochwa” ja “konywa” ka wayie mondo odonj kuomwa to
opong’o dendwa mana kaka puonj ma wacho ni; “Ban’g ka gigo duto ne oketie thowi”
bende ok ringer wa kende, to ringer kristo duto ma en kanisa.
Owete wachopo e ndalo ma gero kanisa mar Nyasaye chiegni rumo.
Jachwechwa ka wang’iyo GIKO mar kweno, ok mana nikech wachiegni chopo e
“odiochien’g ma ogik” kende to nikech en gima onego watim pile ka pile ka wang’iyo ni
ibiro chungwa malo “odiochien’g ma ogik.” En golo richo oko sani (Ma ok oketie Thowi
– nyiso) mano biro miyo wabed ka waikore ne odiochiengno.
Wachiegni chopo e higa mar giko mar kanisa, sa ma olembe ma okuongo biro romo ne
Yesu e boche polo ka gidhi e aora mar kiyo kama Nyasaye oselose arus mar Joge ma
oyiero.
Ka waonge kod gik ma iloso godo “makati ma iting’o malo” to kare ok wan olemo ma
okuongo.
Owete olembe ma okuongo nyaka ikre odiochiengno, jok ma pok oikore ok eno bed
kanyo.Mathayo: 7:21: Ok ng’at ang’ata mano luonga ni Wuora, Wuora, eno donj e loch mara;to mak mana ng’at matimo gima Wuora man e polo dwaro.
Ji mang’eny puonjo ni ok wanabed makare; kata ok wanabed maler, nyaka lok ringrewa
ka ochierwa. Mano ok en adiera. Kaluwore kod muma marwa to nyaka wabed makare
sani, onyiswa ni wawe ketho chik Nyasaye sani, kendo ing’adonwa bura sani mapod wan
kod remo kod ringruok.1 Ptro: 4:17: Nikech sa biro ma ibiro chak ng’ad bura ne jok mantie e od Nyasaye: to kaochak kodwa to jok ma ok otimo dwaro mar Nyasaye to ne bed kure?18:To ka jok maler owar to jok ma ok dew wach Nyasaye kod jo richo to nobed kure?
Owete kanisa Nyasaye ing’adone bura sani. To winj gimoro; Ok wadakie sa ma ochak
ng’adi e kanisa Nyasaye, mano ne ochakore higni 2,000.
Wadakie sa ma ng’ado bura e kanisa Nyasaye CHIEGNI RUMO. Warruok marwa
dhi nyime.
N’gi gima ja ote Paulo ne onyiso jok maler, kod jok ma oyie kuom warruok.Pilipo: 2:12: Koro jo herana mana kaka usebedo ka urito chik, ka antie kendo ka aonge,ti matek ne warruok mari kod luoro gi muolo.13: Nikech Nyasaye ema tiyo kode ka uyie mondo utim dwache.14: Tim uru gik moko duto maonge ng’ur kod dhawo.15: Mondo ubed maonge richo kendo mamuol, nyithind Nyasaye, maonge akwedo, epiny ma opon’g gi richo mondo ubed ler mar piny.
Kapod wan dhano man kod ringruok kod remo t wanyalo timo richo. To onyiswa kod
Nyasaye mondo wawe timo richo kendo mondo wabed maonge richo kata matin, kendo
mondo wabed maler maonge akweda.
Ja ote Paulo wacho.1 Petro: 1:15: Nikech ng’at ma ose luongou ler, koro un bende ubed maler e yore duto.1 Petro: 1:16: Nikech ondikie, bed maler, nikech an bende aler.Paulo wachonwa ni;1Jo Korintho: 15:34: Chiew kuom ler, to ok richo, to ka ng’ato otimo richo to eno kumekod Wuoro.
Ji mang’eny puonjo ni kitwa maricho ibiro loki ka wachier, ban’g ka ose ikwa. Ji mathoth
wachoni ok en gima yot mondo ng’ato owe timo richo sani ka pod wan dhano man kod
ringruok.
Bende mano en adiera owete? Bende en gima yot mondo iwe richo kendo iwuoth e yor
Nyasaye kapod wan dhano? Koso bende en gima yot kuom jok mantie e kanisa Nyasaye
mondo olok wuodhegi, mondo wawe timo gik ma Nyasaye ok dwar ka pod wan dhano
man kod ringruok?
Yesu ne otimo kamano owete. Ne ok otimo richo, to en bende ne oyudo tem mana kaka
wan bende. Jo Hibrania: 4:15.
Owete Yesu ne en dhano man kod ringruok mana kaka wan bende. Gima omiyo ne ok
otimo richo en mana nikech ne oyiero mondo KIK otim richo kendo ne oritore kod Teko
mar Roho maler ma wuok kuom Wuongi.
Yesu en ranyisi marwa. Yesu ema onego walu bang’e. en ema onego wachal kode. Yesu
e kidi ma otegno, en e ng’at ma onego wachal godo Jo Effesso: 2:20.
Wan bende onego wayier mondo kik watim richo, kendo onego opon’gwa kod Teko Mar
Roho Maler mar Nyasaye kasto wan bende wanyalo timo kamano.
Sani ok wanyal wachoni waonge kod richo nikech mano en miriambo. To onego wati
matek mondo ogol richo kuomwa. Wati matek mondo gimoro amora ma olil mondo ogol
kuomwa, kendo wakwa Wuoro mondo opong’wa kod Teko mar Roho maler mondo
ochop dwaro ma en godo kodwa.
Owete, ka opogore kod gik ma ji man’geny osebedo ka nyisowa, kendo wachak wapar
ane gima jachien osebedo ka nyisowa. Koro wawinj ane puonj moro ma duon’g.
wang’eni Wuoro dwaro mondo wachal kaka Yesu ne en kane pod entie e piny ka,
“maonge chilo kata matin” kendo maonge “ketho moro amora.”En Yesu ema gero kanisani, kendo Yesu telone Rombene mondo obed maler e nyimWuoro.Jo Effesso: 5:27: Mondo obed kod kanisa ma olocho, maonge kod chilo kata mayin, katajony, kata gimoro amora marach; to nyaka obed maler kendo maonge richo.
Warito sawo mar pasaka ka waparo godo ni onego warit ne Nyasaye. Onego wadhi
nyime ka wayie kuome kendo ka waluwo bang’e.
Koro onego wati matek mondo wawuo kuom richo. Onego wadagi kod wach moro amora
ma wuok kuom Nyasaye. Koro wachak kweno kendo ka wang’iyo “odiochien’g ma
ogik.” Odiochien’g ma ibiro chiw-wa ne Nyasaye man e polo.
Koro wakwa Nyasaye Teko Mar Roho Maler mare, kendo wapon’g kod roho mondo
oloswa ka wang’iyo “odiochien’g ma ogik” ma ikwano mar Pentecost.
Dwaro mar Nyasaye owete en ni ng’at ma oneno Wuode kendo oyie kuome e nobed kod
ngima ma nyaka chien’g, kendo eno chier chien’g giko.Johana: 6:40: Kendo ma e dwaro mar ng’at ma o-ora, ni ng’at ma oneno Wuode kendooyie kuome enobed kod ngima ma ochwere; kendo anachiere chien’g giko.
Johana: 6:39: Kendo ma e dwaro mar Wuora ma ose ora, ni kuom gik moko duto ma
osemiya kik awit kata achiel, to ating’e malo chien’g giko.
Johana: 6:54: Ng’at ma ochamo ringrena kendo omadho remba nikod ngima ma ochwere;kendo abiro ting’e malo chien’g giko.
“Odiochien’g ma ogik owete” en giko mar kweno, odiochien’g mar Pentecost. En e
odiochien’g ma wang’iyo kawuono, ka wachako kwano.
Kanisa osebedo ka ong’eyo “odiochien’g ma ogik” ni kuom ndalo mang’eny owete. Kata
Mary kod Martha, nyithind Laza ro ariyo go ne ong’eyo odiochiengni.
Johana: 11:24: Martha ne okone niya, ang’eyo ni obiro chier chien’g odiochien’g maogik.
Koro kik iriw “odiochien’g ma ogik” kod “odiochien’g maduon’g ma ogik” mabiro
bang’e.
“Odiochien’g ma ogik” ni en marwa, odiochien’g ma olembe mamoko ma okuongo ibiro
chiwo e polo mondo omigi duon’g kendo oyie kodgi.
Jachwechwa owete keto kanisa mare maler. Odwaro mondo wabed maonge richo kata
ketho. Kendo odwaro ni mondo wachal kamano sani. Ka pok olokwa, ka pok odiochien’g
mar Pentecost ochopo.
Daher mar tieko kod kamane wachako godo e buk mar Tim Jo Lawi.
Nyasaye ok oluoro dhano owete. Ok odwar gima opogore kuomwa ma opogore kod gima
odwaro kuom olemo mage ma okuongo.
Odwaro ni olembe duto ma okuongo obed maler, maonge chilo kata matin sani ka pok
“odiochien’g ma ogik,” ochopo ka pok olok ringer magwa, mana kaka jok mamoko maler
ma onindo e liete sani.
Oketo ma maler e Tim Jo Lawi 23:15.Tich Jo Ote 23:15 to uchak kwano odiochien’g maluwo ban’g Sabato, odiochien’g maneoter kothe mag chiwo, Sabato abirio eno rum.Sabato abirio eno RUM.Sabato abirio go nyiso jumbe abirio-Jumbe abirio nyiso kanisa abirio. Parni ndikoniwuoyo kuom kwan, kwano Pentecost, kwano marwa. Pentecost bende iluongo ni sawomar Jumbe kod sawo mar olembe ma okuongo. Pentecost en sawo marwa owete.
Koro ng’e ni onyiswa kani “Sabato abirio eno rum.” Sabato abirio kata jumbe, nyiso
kanisa abirio, kendo ndiko mar “RUMO” ni kod wach maduon’g.
Ndiko mar “RUMO” ithoro tigodo mana ka iwuoyo kuom kristo. Olembe ma okuongo
kuom olembe duto, ranyisi marwa ng’at ma onego walokre kendo wachal godo. En ndiko
ma otigodo e Wuok 12:5.Wuok: 12:5: Nyarombo mane nyaka bed maonge ketho, madichuo man kod higa achiel:Nyaka ugole kuom rombe moko kata diek:
Tim Jo Lawi 23:15: nyisowa ni Jawarwa dwaro ni mondo wabed maler kendo maonge
ketho. Kendo odwaro mondo wachal kamano sani, kapok “odiochien’g ma ogik” ochopo,
ka pok Pentecost ochopo.
Wasom ndiko machielo, Tim Jo Lawi 23:16;Tim Jo Lawi 23:16 odiochien’g mokuongo Sabato nyaka ukwan ndalo piero abich.
Rumo, bedo maler, bedo maonge chilo kata matin miyo ichopo e nyim Nyasaye
“odiochien’g ma ogik” ma ikwano, kapok otin’gwa malo kendo omiwa duon’g e polo.
Ere kaka watimo owete? Bende wan kod richo? To bende igloo richowa oko?
Kik iwe dhano moro amora wuondi owete. Jawarwa kendo Wuon kanisa Yesu kristo
dwaro ni mondo olokwa maler sani. Odwaro ni mondo wabed maonge richo kuomwa.
Alemo obiro tieko mano kuomwa waduto.
Koro we mondo wachak kweno ka warito godo “odiochien’g ma ogik” odiochiengwa,
odiochien’g mar Pentecost.
Mi Nyasaye Duon’g.